مسرح شغل بيت يقدّم أل VAN

مسرح شغل بيت يقدّم مسرحية تخرّج دفعته السابعة من  فريق “ع المسرح” – في مسرحية “ أل VAN ”  يوم الأحد 8 أيلول 2019، الساعة الثامنة والنصف مساءً على خشبة مسرح دوار الشمس، الطيونة. 

المسرحية من تأليف الممثلين الذين تابعوا الدورة الأولى من دورة إعداد ممثل والإخراج المسرحي لمدّة 9 أشهر، بإشراف المخرج شادي الهبر والممثلة مايا سبعلي تتويجاً لهذه الدورة. 

نبذة عن المسرحية: 

هيك من وقت ما منخلق ، منركب بفان الحياة وممنشي…. 

أوقات منعرف لوين وأوقات لا … 

اوقات منروح عكس السير …

أوقات مننزل بالمحطة الغلط …. 

أوقات منرفض المحطة الصح …. 

منمشي، المهم ما نوقف ومنكفي …

الطريق طويلة او قصيرة الفان رح يكفي المشوار ….

منتلاقا بناس بيطلعوا حدنا وبيمشو حدنا

 ويمكن بكفوا المشوار معنا …

او بينزلو بمحطة قبلنا ونحنا منكفي لوحدنا ….

محطات كتيرة رح ننزل فيا ونكتشف ….

الإكتشاف رح يرافقك بكل المحطات …

في محطة وحدة بس رح تكتشف فيا الحب …. 

بس يمكن بكتير محطات رح تقطع وما تلاقي حدا …. 

في محطات بتشعر فيا لوحدك….

 وهيدي اكتر المحطات بكون فيا عجقة ….

 

بس الكل بكفي والكل رح يوصل ….

كيف بيوصل مش مهم ، المهم انو رح يوصل 

وقتا رح يكتشف ويعرف …. 

بس وقتا رح يعرف ويكتشف …

والفان بعدو مكمل … مكمل طريقو ….

أسماء الممثلين المشاركين بالترتيب الأبجدي: 

أنطوني أبي شبل، حنان أبو حوسة، داود سليم حداد، رندا الحداد، ساره فرحات، لين نعمه نعمه، ندى عريضي.